تقبل الله منا ومنكم
طبعا بكرة بإذن الله عيد الأضحى
وده اول عيد يمر علينا واحنا بالظروف دي
او بمعنى آخر وبابا معتقل
فعلا العيد هيكون مختلف خاصة اننا مش هنعمل فيه زي كل عيد
يعني احنا كنا كل عيد نصحى بدري وننزل نصلي العيد وبعدها نروح بيت العيلة
ونشوف الذبح هناك ونقعد باقي اليوم
ولكن بكرة هيكون مختلف لاننا مش هنصحى الصبح ونجهز عشان ننزل نصلي العيد
احنا هنصحى وهنجهز بسرعة عشان نسافر لبابا
ياااه هنقضي العيد في المزرعة
بالفعل احنا هنزور بابا بكرة ونقضي معاه العيد
ولكن العيد مع بابا هناك احسن من اننا نقضيه هنا من غيره
احنا ممكن فعلا مش هنلحق نصلي العيد لاننا لازم نمشي بدري قوي لان بكرة هيكون زحمة هناك
خاصة ان الزيارة كانت النهاردة وبكرة بس وباقي ايام العيد مفيش
فإحنا عاوزين نوصل بدري عشان نلحق نلاقي مكان فاضي قبل الزحام ما يكثر
ربنا ييسرلنا ان شاء الله
وكنا نتمنى نقدر نزوره مرة كمان قريب ولكن للأسف كلنا عندنا امتحانات فمش هنعرف نروح غير في الاجازة
ادعو لنا بالتوفيق :)
هناك ٥ تعليقات:
كل عام وانتم بخير
عـــيد ســـعيد
أعادة الله عليكم بالخير وبالبركات
تحياتى
كل عام وأنت بخير .. وتقبل الله منا ومنكم
وأعانكم على زيارة الغد
.........
حاجة جانبية
حضرتك محتاجة خاصية
Word Verification
في حاجة ؟؟
الحروف اللي بندخلها علشان التعليق يضاف
كل عام وأنتم بخير
وكان الله في عونكم
السلام عليكم ورحمة الله وبركاته
تقبل الله منا ومنكم
وجزاكم الله خيرا
الحمد لله مر اليوم بشكل جيد
وسوف احكي بالتفصيل ولكن ليس الان لاننا جميعا مرهقون
تم الغاء الخاصية اخي وضاح
السلام عليكم ورحمة الله
بالطبع قضاء العيد فى مثل هذه الظروف ليس ممتعا أبدا ..
ولكن عزاؤنا أن بعد الحباب فى سبيل الله ،
وأسال الله تعالى أن يثيب أحبابنا ، ويجزيهم أجر الحجاج الذين خرجو أيضا فى سبيل الله ..
ثبتكم الله وأثابكم
ورد غائبكم ..
إرسال تعليق